ہمارے پاس مڈل آرڈر نہیں، محمد رضوان نے اعتراف کرلیا
ہوبارٹ (ویب ڈیسک) قومی کرکٹ ٹیم کے کپتان محمد رضوان نے کہا ہے کہ ہمارے کچھ بیٹرز کو مسائل ہیں، ہمارے پاس مڈل آرڈر میں تجربہ کار بیٹر نہیں، سب کو معلوم ہے کہ آسٹریلیا میں آج تک پاکستان جیتا ہی نہیں۔
تیسرے ٹی20 کے بعد پریس کانفرنس کے دوران محمدرضوان نے کہا کہ ون ڈے سیریز میں بھی چیزیں سمجھ آرہی تھیں کہ کس سمت جانا ہے۔
انہوں نے کہا کہ امید ہے کہ چیزیں بہتر ہوجائیں گی، جہانداد خان، حسیب اللّٰہ اور عثمان خان اچھا کھیلے ہیں۔
قومی ٹیم کے کپتان نے مزید کہا کہ ہمیں بھی معلوم ہے کہ ہمارے کچھ بیٹرز کو مسائل ہیں، ہمارے پاس مڈل آرڈر میں تجربہ کار بیٹر نہیں، فخر زمان، افتخار احمد، شاداب خان اور عماد وسیم تھے۔
About The Author
