تیز ہواؤں اور گرج چمک کے ساتھ بارش اور پہاڑوں پر برفباری کی توقع
اسلام آباد (ویب ڈیسک) آئندہ 24 گھنٹوں کے دوران شمالی بلوچستان، بالائی خیبر پختونخوا، گلگت بلتستان، کشمیر اور خطہ پوٹھوہار میں تیز ہواؤں اور گرج چمک کے ساتھ بارش اور پہاڑوں پر برفباری کی توقع ہے، جبکہ ملک کے دیگر حصوں میں موسم سرد اور خشک رہنے کا امکان ہے۔
پنجاب کے کچھ میدانی علاقوں اور بالائی سندھ میں صبح کے اوقات میں اسموگ یا دھند چھائے رہنے کا امکان ہے۔ کوئٹہ اور گردونواح میں موسم سرما کی پہلی بارش کے بعد سردی کی شدت میں اضافہ دیکھا گیا ہے۔
محکمہ موسمیات نے وادی کوئٹہ، پشین، قلعہ سیف اللہ، ژوب اور زیارت میں بارش اور برفباری کی پیشگوئی کی ہے، جس سے درجہ حرارت مزید کم ہونے کی توقع ہے۔ وادی کاغان کے ناران علاقے میں شدید برفباری کی وجہ سے راستے بند کر دیے گئے ہیں، جبکہ شوگراں اور بالاکوٹ کے راستے کھلے ہیں۔
مزید برآں، لاہور دوبارہ پاکستان کے آلودہ ترین شہروں میں شامل ہو گیا ہے، اور شہر میں بارش کے امکانات کم ہیں۔
About The Author
