نواز شریف کے پوتے زید حسین نواز کی شادی کی تیاریاں شروع ہوگئیں

لاہور(ویب ڈیسک)مسلم لیگ (ن) کے تاحیات قائد اور سابق وزیراعظم نواز شریف کے پوتے زید حسین نواز کی شادی کی تیاریاں جاری ہیں۔

ذرائع کے مطابق شریف فیملی، سیاسی شخصیات، عزیز و اقارب اور ملکی و غیر ملکی مہمانوں سمیت 700 افراد مدعو کئے جائیںگے، حسین نواز کے صاحبزادے زید حسین نواز کی شادی کی تقریبات 24 دسمبر سے شروع ہونگی، شادی کی مناسبت سے مہندی و ڈھولک کی تقریب 24 دسمبر ہو گی۔

زید حسین نواز کا نکاح 25 دسمبر کو شیڈولڈ ہے،جاتی عمرہ میں 26 دسمبر کو قوالی نائٹ کا اہتمام ہو گا، دولہا بھائی کی 27 دسمبر کو سہرا بندی ہو گی اور بارات لے کر نکلیں گے جبکہ دعوت ولیمہ کی تقریب 29 دسمبر کو جاتی عمرہ میں ہی منعقد کی جائے گیا۔