بھارت کی سب سے امیر گلوکارہ

ممبئی (ویب ڈیسک) تلسی کمار بالی ووڈ کی امیر ترین گلوکارہ بن گئی ہیں ۔

بھارتی میڈیا رپورٹ کے مطابق تلسی مشہور میوزک کمپنی ‘ٹی سیریز’ کے مالک کمار خاندان کا حصہ ہیں جو 210 کروڑ بھارتی روپے تقریباً 25 ملین امریکی ڈالر کی مالک ہیں۔

یہ دولت صرف ان کے گلوکاری کے کیرئیر سے نہیں بلکہ ٹی سیریز کے کاروبار میں ان کے اہم حصہ داری سے بھی آتی ہے جو دنیا کی سب سے بڑی میوزک اور فلم پروڈکشن کمپنیوں میں شامل ہے۔ٹی سیریز کے ساتھ تعلق کے علاوہ تلسی ‘کڈز ہٹ’ نامی یوٹیوب چینل بھی چلاتی ہیں جس پر بچوں کےلیے نظمیں اور کہانیاں پیش کی جاتی ہیں، اس چینل نے بھی ان کے اثاثوں میں دگنا اضافہ کردیا اور ان کی کاروباری صلاحیت کو بڑھا دیا۔

تلسی کمار کی گلوکاری کا سفر تقریباً 2 دہائیوں پر محیط ہے، اس کے علاوہ شریا گھوشال 185 کروڑ، سنیدھی چوہان 110 کروڑ اور آشا بھوسلے 100 روپے بھارتی کروڑ کی مالیت رکھتی ہیں۔