الو ارجن کو گرفتار کرلیا گیا

ممبئی (ویب ڈیسک) مشہور تامل فلم سٹار الو ارجن کو حیدرآباد پولیس نے گرفتار کرلیا، ان کی یہ گرفتاری حیدرآباد میں فلم ”پشپا2“ کے پریمیئر کے موقع پر مچ جانے والی بھگدڑ کے نتیجے میں ایک خاتون کی موت کے سلسلے میں عمل میں لائی گئی ۔

بھارتی میڈیاکےمطابق ہلاکت کا یہ افسوسناک واقعہ 4 دسمبر کو پیش آیا تھا جس میں 39 سالہ خاتون کی موت ہوگئی تھی جب کہ اس کے بیٹے سمیت کچھ دیگر افراد زخمی ہوگئے تھے۔بھارتی پولیس کا کہنا ہے کہ انہیں فلم کےپریمیئر میں اداکار اور ان کی ٹیم کی آمد کی پیشگی اطلاع نہیں دی گئی تھی۔

ڈپٹی کمشنر پولیس، سینٹرل زون، حیدر آباد پولیس، اکشنش یادو نے بھارتی میڈیا سے بات کرتے ہوئے بتایا کہ واقعے کے ذمہ دار افراد کے خلاف سخت قانونی کارروائی کی جائے گی۔