سنیل گواسکر نے رشبھ پنت کو احمق قرار دیدیا
میلبرن (ویب ڈیسک )میلبرن ٹیسٹ میچ کے دوران رشبھ پنت کی شارٹ سلیکشن پر سابق بھارتی کرکٹر و کپتان سنیل گواسکر نے انہیں احمق قرار دیدیا۔
تفصیل کے مطابق میلبرن میں کھیلے جارہے ٹیسٹ میچ کے تیسرے روز آسٹریلیا کے خلاف بھارتی بیٹنگ لائن پہلی اننگز میں مشکلات کا شکار تھی کہ رشبھ پنت نے ایک غیر روایتی شارٹ کھیل کر وکٹ گنوادی، جس پر کمنٹری کرنیوالے لیجنڈری سنیل گواسکر نے انہیں احمق کہا۔
کھانے کے وقفے کے دوران سٹار اسپورٹس پر بات کرتے ہوئے گواسکر نے میچ کی صورتحال اور فیلڈ پلیسمنٹ کے پیش نظر شاٹ کو "بیوقوفی” قرار دیتے ہوئے کہا کہ آپ کے پاس وہاں دو فیلڈرز ہیں، اور آپ اب بھی اس شاٹ کو کھیلنیکی کوشش کررہے ہیں، رشبھ پنت نے وکٹ خود گنوائی ہے اس لمحے جب بھارت کو آپکی ضرورت تھی اور نامناسب شارٹ لگاکر آٹ ہوگئے۔
About The Author
