پی ٹی اے کی پیشکش، 10 روز گزر گئے، وی پی این رجسٹریشن کیلئے کوئی درخواست نہ آئی

اسلام آباد (ویب ڈیسک) پاکستان ٹیلی کمیونیکیشن اتھارٹی ( پی ٹی اے) کی طرف سے کمپنیوں کو وی پی این رجسٹرڈ کروانے کی پیشکش کرنے کے باوجود ابھی تک کسی کمپنی کی طرف سے وی پی این رجسٹرڈ نہیں کروایا گیا، اس پیشکش کو بھی دس روز بیت گئے ہیں۔

پی ٹی اے ذرائع کا کہنا ہے کہ 19 دسمبر سے وی پی این کی رجسٹریشن کا عمل شروع کیا تھا، تاحال کوئی درخواست نہیں آئی، اس صورتحال میں مزید دو سے چار ہفتوں تک رجسٹریشن کی درخواستیں موصول ہونے کا امکان ہے۔

لائسنس کے ذریعے وی پی این سروس پروائیڈرز کو مقامی طور پر رجسٹرڈ کیا جاسکے گا، وی پی این سروس پروائیڈرز پاکستان میں ڈیٹا سینٹرز بنانے کے پابند ہوں گے۔پی ٹی اے کمپنیوں سے 2 سے 4 لاکھ روپے لائسنس فیس کی مد میں وصول کرے گا۔