مزید میڈلز لانے کی تیاریاں، ارشد ندیم کے لیے غیر ملکی کوچ کی خدمات لینے کا فیصلہ

اسلام آباد(ویب ڈیسک)اتھلیٹکس فیڈریشن آف پاکستان نے جولین تھرو میں گولڈ میڈل جیتنے والے ارشد ندیم سمیت دیگر کھلاڑیوں کی تربیت کے لیے غیر ملکی کوچ کی خدمات لینے کا فیصلہ کرلیا۔

وفاقی دارلحکومت میں ہونے والے اجلاس میں پیرس اولمپکس میں پاکستان کے لیے گولڈ میڈل جیتنے والے ارشد ندیم کوخراج تحسین پیش کیا گیا اور اس بات کا فیصلہ کیا گیا کہ مستقبل میں ہونے والے مقابلوں کی تیاری کے لیے ارشد ندیم، یاسر اور شجر عباس کو بین الاقوامی معیار کے کوچز سے تربیت فراہم کی جائے گی تاکہ مزید میڈل پاکستان جیت سکے۔

یہ بھی فیصلہ کیا گیا کہ پاکستان کی میزبانی میں ہونے والی ساف کراس اتھلیٹکس چیمپیئن شپ کی تیاریاں تیز کر دی جائیں۔اجلاس میں ملک بھر میں گراس روٹ سے نئے ٹیلنٹ کی تلاش کے لیے اقدامات اٹھائے جائیں اور ایسے بچے جو سہولیات سے محروم ہیں، انہیں تربیت کے ساتھ ساتھ تعلیم کی بھی سہولت فراہم کی جائے۔