اب ہمارا مسکرانے کا وقت، پی ٹی آئی مذاکراتی کمیٹی ترجمان کاموقف آگیا

اسلام آباد(ویب ڈیسک )پی ٹی آئی کی مذاکراتی کمیٹی کے ترجمان و رہنما سنی اتحاد کونسل صاحبزادہ حامد رضا نے کہا ہے کہ اب ہمارا زیادہ مسکرانے کا وقت آگیا ہے، عمران خان بہت جلد آئینی اور قانونی جنگ لڑ کر قانونی طریقے سے باہر آ رہے ہیں، جو چیزیں دیکھ رہا ہوں ، اس سے نظر آ رہا ہے کہ عمران خان باہر آ رہے ہیں۔

اپنے ایک انٹرویو میں صاحبزادہ حامد رضا نے کہا کہ عمران خان خود کہہ چکے ہیں کہ انہیں بنی گالہ منتقلی کی پیشکش ہوئی تھی لیکن ان کی اور کمیٹی کی رائے تھی کارکنان کی رہائی تک وہ باہر نہیں آئیں گے، عمران خان نے کہا کہ مطالبات پورے کر دیں پھر میں غور کروں گا، ہماری طرف سے مطالبات اجلاس میں پیش کیے گئے جنہیں تحمل سے سنا گیا، مذاکرات مذاکرات کاکھیل نظر آیا تو بانی پی ٹی آئی کو بتا دوں گا۔

ایک سوال پر انہوں نے کہاکہ ہم نے مذاکرات میں بانی سے ملاقات کیلئے مطالبہ بھی کر رکھا ہے، کھلی جگہ ملاقات کے مطالبے پر حکومت نے کہا کاغذ پنسل لے کر جایا کریں، لیکن جب ملاقات کیلئے جاتے ہیں تو کاپی پنسل تو دور انگوٹھی تک اتار دی جاتی ہے، انگوٹھی اتار کر پہلے سونگھا جاتا ہے پھر اسکین اور اس کے بعد رکھ لی جاتی ہے، چیکنگ الگ اور واپسی پر الگ انداز میں چیکنگ کی جاتی ہے۔