بھارت سے نایاب نسل کا سامبر ہرن پاکستان میں گھس آیا
شیخوپورہ (ویب ڈیسک) بھارت سے نایاب نسل کا سامبر ہرن سیالکوٹ ورکنگ باؤنڈری پار کرکے پاکستان آگیا اور شیخوپورہ کے علاقے نارنگ منڈی آن پہنچا جہاں بینک کے احاطے میں گھسنے پر عملے نے پکڑ لیا۔
تفصیل کے مطابق بینک کے عملے نے نایاب نسل کے سامبر ہرن کو محمکہ وائلڈ لائف کے حوالے کردیا۔ اسسٹنٹ ڈائریکٹر وائلڈ لائف کا کہنا ہے کہ سامبر ہرن بھارت سے سرحد عبور کرکے پاکستان پہنچا جسے تحویل میں لے لیا ہے۔
نمائندے نے مزید بتایاکہ نارنگ منڈی بھارتی ورکنگ باؤنڈری پر ہی واقع ہے اور بھارت کی طرف جنگل موجود ہے جہاں سے اکثر جانور پاکستان میں داخل ہوتے ہیں۔
About The Author
