شہزادہ ولید بن طلال کی والدہ وفات پا گئیں

ریاض(ویب ڈیسک )سعودی شہزاد ہ اور دنیا کے امیر ترین افراد میں شامل شہزادہ ولید بن طلال بن عبدالعزیز کی والدہ شہزادی مونا انتقال کر گئیں۔

خاندانی ذرائع کے مطابق شہزادی مونا کی نماز جنازہ اتوار کو دارالحکومت ریاض کی مسجد امام ترکی بن عبداللہ میں نماز عصر کے بعد ادا کی جائے گی ۔

شہزادی مونا کا شمار ان شخصیات میں ہوتا تھا جنہوں نے شاہی خاندان کے وقار کو بلند رکھنے میں اپنا اہم کردار ادا کیا،وہ اپنی سادگی اور عوام دوستی کیلئے جانی جاتی تھیں۔ سعودی عرب کے مختلف شہروں میں ان کے انتقال پر تعزیتی پیغامات کا سلسلہ جاری ہے۔شاہی خاندان کے افراد اور دنیا بھر کے معززین نے ان کے انتقال پر گہرے دکھ کا اظہار کیا ہے۔

یادرہے کہ شہزادہ ولید بن طلال دنیا کے امیر ترین افراد میں شمار کیے جاتے ہیں اور ان کی والدہ کا انتقال ان کیلئے ایک بڑا ذاتی نقصان ہے۔