بھارتی گائوں جہاں ایک ہفتے میں خواتین بھی گنجی ہوگئیں

نئی دہلی (ویب ڈیسک) بھارتی ریاست مہاراشٹر میں بال گرنے کی ایک پراسرار بیماری سامنے آگئی اور ایک ہفتے کے دوران ہی خواتین سمیت کئی افراد گنجے ہوگئے ۔

بھارتی میڈیا کے مطابق مہاراشٹر کی بلدھانا ڈسٹرکٹ کے تین گاؤں کے افراد نے پراسرار بیماری کی شکایت کی،اس بیماری سے انکے بال گرنے لگے ہیں جس کے باعث دیکھتے ہی دیکھتے متاثرہ شخص گنجا ہوجاتا ہے۔

دوسری جانب ماہرین صحت کا ماننا ہے کہ اس کے پیچھے پانی میں کھاد کی ملاوٹ کی وجہ سے اس کا آلودہ ہونا ہے، علاقے سے جلد اور بالوں کے نمونے بھی لے لئے گئے ہیں۔

واقعات منظر عام پر آنے کے بعد ماہرین کی ایک ٹیم نے گاؤں کا دورہ کیا، وہاں سے نمونے لئے اور کہا کہ وہ اس بیماری کے بارے میں حتمی طور پر ٹیسٹ کے نتائج آنے کے بعد ہی کچھ بتاسکتے ہیں۔