پولیس میں نوکریاں، ہزاروں کانسٹیبل اور لیڈی کانسٹیبل بھرتی کرنے کا اعلان
لاہور (ویب ڈیسک) بڑھتی ہوئی بے روزگاری کے دوران پنجاب پولیس میں چھ ہزار کانسٹیبل اور لیڈی کانسٹیبلز کی بھرتی کا اعلان کرد یا گیا ہے اور اس سلسلے میں امیدواروں سے درخواستیں طلب کر لی گئیں ۔
مراسلے کے مطابق بھرتیوں کیلئےآن لائن فارم 11سے 25جنوری تک پنجاب پولیس کی ویب سائٹ پردستیاب ہوں گے، امیدوار اپنے فارم متعلقہ اضلاع میں 300 روپے سروس چارجز کے ساتھ جمع کروائیں گے، بھرتی بورڈز شفافیت کے عمل کو یقینی بنائیں گے۔
مزید یہ کہ امیدوار کا صوبہ پنجاب، متعلقہ ضلع کا رہائشی اور شناختی کارڈ ہونا لازمی ہے، امیدوار کو بھرتی کیلئے کسی بھی قسم کی کوئی رعایت نہیں دی جائے گی۔اعلامیہ کے مطابق ڈی آئی جی بھرتی بورڈ چیئرمین،متعلقہ سی پی او یا ڈی پی او سیکرٹری اور ایس پی ممبر ہوگا، لاہور ہر ضلع کی بھرتی کا شیڈول سی پی او سے جاری کیا جائے گا۔
مراسلے کے مطابق امیدوار مرد کیلئے قد 5 فٹ 7 انچ خاتون کیلئے 5 فٹ 2 انچ ہوگا اور بھرتی میں خواہش مند امیدوار کا سکینڈری بورڈ میں 50 فیصد نمبر لازمی، عمر کی حد 18سے 25 سال ہو۔
About The Author
