فرانس میں دو ٹرامز آپس میں ٹکرا گئیں
پیرس(ویب ڈیسک)فرانس کے شہر اسٹراس برگ میں سنٹرل سٹیشن پر دو ٹرامز آپس میں ٹکرا گئیں جس کے نتیجے میں درجنوں افراد کے زخمی ہونے کی اطلاعات ہیں۔
غیرملکی میڈیا کے مطابق حادثے کے زخمیوں کو معمولی چوٹی آئی ہیں اور کسی کی حالت تشویشناک نہیں ہے۔حکام نے واقعے کی تحقیقات شروع کر دی ہیں، تاہم حادثے کی وجوہات کے بارے میں ابھی تک کوئی معلومات نہیں مل سکیں۔
مقامی میڈیا کے مطابق حادثہ اس وقت پیش آیا جب ایک ٹرام نے پٹری تبدیل کی اور وہ سٹیشن پر کھڑی ہوئی دوسری ٹرام سے ٹکرا گئی۔
About The Author
