کبری خان اور گوہر رشید کی شادی ، تاریخ سامنے آ گئی
کراچی (ویب ڈیسک)افواہیں سچ ثابت ہوئی ہیں اور پاکستان شوبز انڈسٹری کی معروف اداکارہ کبری خان جلد ہی اپنے قریبی دوست گوہر رشید کے ساتھ شادی کے بندھن میں بندھنے جا رہی ہیں۔
پاکستانی میڈیا آئوٹ لیٹ ’دی کرنٹ‘ کی ایک رپورٹ کے مطابق کبری خان اور گوہر رشید کی شادی کی افواہیں محض اب افواہیں نہیں رہیں، اس جوڑی کی شادی کی تاریخ بھی سامنے آ گئی ہے، وہ 22 فروری کو شادی کرنے جا رہے ہیں۔اس خوبصورت جوڑی کی شادی کی تقریبات پاکستان کے سب سے بڑے شہر، معاشی حب کراچی میں ہوں گی۔
واضح رہے کہ اس جوڑی کی شادی سے متعلق افواہیں کئی دنوں سے زیرِ گردش تھیں جن کی اب تصدیق سامنے آئی ہے تاہم ان افواہوں سے متعلق یہ جوڑا تاحال چپ سادے ہوئے ہے۔کبری خان اور گوہر رشید سوشل میڈیا پر متحرک ہونے کے باوجود بھی ان افواہوں کی تصدیق یا تردید نہیں کر رہے ہیں۔
About The Author
