سامان کو نقصان پہنچنے پر بھارتی اداکارہ عروشی ڈھولکیا ایئر انڈیا پر پھٹ پڑیں
نئی دہلی (ویب ڈیسک) پرواز میں سفر کے دوران سامان کو نقصان پہنچنے پر بھارتی اداکارہ عروشی ڈھولکیا ایئر انڈیا پر پھٹ پڑیں۔
بھارتی میڈیا کے مطابق لندن سے ممبئی جانے والی فلائٹ میں انہوں نے اپنے سامان کے لیے اضافی رقم ادا کی، لیکن وہ خراب ہو گیا۔عروشی ڈھولکیا نے ایک ویڈیو بنا کر ایئر انڈیا کے خلاف شکایت کی اور مکمل رقم کی واپسی کا مطالبہ کیا۔
عروشی ڈھولکیا نے اپنے انسٹاگرام اکانٹ پر ایک ویڈیو شیئر کی جس میں انہوں نے اپنا متاثر شدہ سامان دکھایا۔ پوسٹ میں ان کا کہنا تھا کہ میرا سوٹ کیس خراب ہو گیا ہے۔ ہینڈل ٹوٹ گیا ہے، اس پر اسکریچز آئے جس کی وجہ سے یہ پھٹ گیا۔ ایئر انڈیا میرے بیگ کو اس طرح سنبھالا ہے۔
بھارتی اداکارہ نے غصے بھرے انداز میں کہا کہ میں دوبارہ کبھی بھی ایئر انڈیا کی پرواز میں سفر نہیں کروں گی۔ سامان کی اضافی رقم ادا کرنے کے بعد انہوں نے میرا لگیج اس طرح واپس کیا اور میرے بیگ کو نقصان پہنچایا۔ میں ائیر انڈیا سے اس نقصان کے لیے مکمل رقم کی واپسی کا مطالبہ کرتی ہوں۔
واضح رہے کہ عروشی ڈھولکیا کئی مشہور بھارتی ڈراموں میں کام کرچکی ہیں جن میں کسوٹی زندگی کی، ناگن 6 اور چندرا کنتا شامل ہیں تاہم انہیں مقبولیت کسوٹی زندگی کی میں کومولیکا کے کردار کی وجہ سے علاوہ ازیں بھارت کی نامور ٹی وی اداکارہ عروشی ڈھولکیا معروف رئیلٹی شو بگ باس سیزن 6 کی فاتح بھی رہ چکی ہیں۔
About The Author
