امریکی فیصلوں کا پاکستان پر اثر، سیاست میں نہیں آنا لیکن خدمت کیلئے تیار ہوں، اسد عمر کا کھل کر بات کرنے سے گریز
لاہور(ویب ڈیسک)سابق وفاقی وزیر اسد عمر ایک عرصہ بعد پھرسامنے آئے ہیں تاہم انہوں نے کھل کر بات کرنے سے گریز کیا اور کہا ہے کہ میں نے سیاست میں نہیں آنا لیکن خدمت کیلئے تیار ہوں۔
انسداد دہشت گردی کی عدالت کے باہر میڈیا سے گفتگو کرتے ہوئے انہوں نے کہا کہ یہ حقیقت ہے کہ امریکا میں ہونے والے فیصلے پاکستان پر اثر انداز ہوتے ہیں۔
اسد عمر کا کہنا ہے کہ بانی پی ٹی آئی واضح کہہ چکے وہ امریکا کی طرف نہیں دیکھ رہے۔سابق وزیر نے یہ بھی کہا کہ فیصلے تحریک انصاف کے حق میں ہوں یا خلاف، یہیں ہونے چاہئیں۔
دوسری جانب لاہور کی انسداد دہشت گردی کی عدالت میں اسد عمر کی 3 مقدمات میں درخواست ضمانت پر سماعت ہوئی۔عدالت نے مقدمے کا ریکارڈ طلب کرتے ہوئے سماعت 12 فروری تک ملتوی کر دی۔
About The Author
