پارا چنار قافلے پر فائرنگ، لاپتہ ڈرائیوروں کی لاشیں مل گئیں

پشاور (ویب ڈیسکٰ پارا چنار جانے والے امدادی قافلے پر فائرنگ کے بعد لاپتہ ہونے والے ڈرائیوروں کی لاشیں مل گئی ہیں جس کے بعد شہدا کی تعداد 9 ہو گئی۔

تفصیل کے مطابق بگن میں پاراچنار جانے والے امدادی قافلے کے سامان سے بھرے ٹرکوں پر فائرنگ کے واقعے میں لاپتہ ہونے والے 5 ڈرائیوروں میں سے 4 کی لاشیں اڑوالی سے مل گئیں جس کے بعد واقعے میں شہید ہونے والے 2 اہلکاروں سمیت کل شہدا کی تعداد 9 ہو گئی۔

کرم کے پولیس حکام کے مطابق لاشیں لوئر کرم کے علی زئی اسپتال میں پہنچا دی گئی ہیں، دہشت گردوں کے حملے میں 2 اہلکاروں ار 7 ڈرائیوروں نے جام شہادت نوش کیا۔

اس سے قبل کرم کے لیے تیسرے قافلے کے پہلے مرحلے میں 35 مال بردار گاڑیاں روانہ کی گئی تھیں جن میں دوائیں، سبزیاں، پھل اور کھانے پینے کی دیگر چیزیں شامل تھیں جبکہ قافلے کی سکیورٹی کے لیے پولیس، ایف سی اور سیکیورٹی فورسز کی بھاری نفری تعینات تھی۔