بندر کا دھکا، 10 ویں جماعت کی طالبہ جان کی بازی ہار گئی
نئی دہلی (ویب ڈیسک) بھارتی ریاست بہار کے ایک گاؤں مگھر میں بندر نے دھکا دیکر دسویں جماعت کی طالبہ کو چھت سے نیچے گرا دیا جس سے لڑکی جان کی بازی ہار گئی۔
میڈیا رپورٹس میں بتایا گیا ہے کہ سرد موسم کے باعث پریا کماری چھت پر دھوپ میں بیٹھی پڑھ رہی تھی کہ بندروں کا جھنڈ چھت پر آگیا جسے دیکھ کر وہ خوفزدہ ہوگئی، محلہ داروں نے بندروں کو دیکھ کر شور مچایا تو لڑکی نے چھت سے بھاگ کر گھر میں جانے کی کوشش کی، اسی دوران ایک بندر جھپٹا اور پریا کو زور سے دھکا مارا جس کی وجہ سے وہ چھت سے نیچے جا گری اور بری طرح زخمی ہوگئی۔
والدین نے پریا کو علاج کیلئے قریبی ہسپتال منتقل کیا تاہم ڈاکٹرز نے سر اورکمر سمیت جسم کے دیگر حصوں پر آنے والی گہری چوٹوں کی وجہ سے موت کی تصدیق کردی۔
About The Author
