سعودی عرب میں المناک ٹریفک حادثہ، 9 بھارتی شہری جاں بحق

ریاض (ویب ڈیسک) سعودی عرب کے مغربی شہر جیزان کے قریب سڑک حادثے میں 9 بھارتی شہری ہلاک اور 2 زخمی ہوگئے جنہیں فوری طبی امداد کیلئے ہسپتال منتقل کر دیا گیا ہے۔

سعودی حکام کے مطابق حادثہ الرین، وادی الدواسر شاہراہ پراس وقت پیش آیا جب دو گاڑیاں آمنے سامنے سے ٹکرا گئیں۔ مرنے والوں کی لاشوں کو ہسپتال کے سرد خانے میں رکھوا دیا گیا ہے۔

بھارتی میڈیا کے مطابق کے مطابق جدہ میں بھارتی قونصل خانے ایکس پیغام میں تصدیق کرتے ہوئے کہا کہ ، “ہم سعودی عرب کے مغربی علاقے جیزان کے قریب ایک سڑک حادثے میں 9 بھارتی شہریوں کے المناک موت پر گہرے دکھ کا اظہار کرتے ہیں۔ قونصل خانے نے متاثرہ خاندانوں سے دلی تعزیت کا اظہار کرتے ہوئے کہا ہے کہ جدہ میں بھارت کا قونصلیٹ جنرل مکمل تعاون فراہم کر رہا ہے اور حکام اور اہل خانہ سے رابطے میں ہے۔