شوہر کو گردہ بیچنے پر مجبور کرنے کے بعد بیوی پیسے لیکر فیس بک عاشق کے ساتھ فرارہوگئی

نئی دہلی(ویب ڈیسک) مغربی بنگال کے ضلع ہوڑہ میں ایک خاتون نے اپنے شوہر کو 10 لاکھ روپے کے عوض اپنا گردہ بیچنے پر رضامند کیا، اور وعدہ کیا کہ یہ رقم ان کی بیٹی کی تعلیم پر خرچ کی جائے گی تاہم، آپریشن کے بعد حاصل ہونے والی خاتون رقم لے کر اپنے مبینہ عاشق کے ساتھ فرار ہوگئی جس سے اس کی ملاقات فیس بک پر ہوئی تھی ۔

بھارتی میڈیا کے مطابق خاتون اپنے شوہر پر ایک سال سے دباؤ ڈال رہی تھی کہ وہ اپنا گردہ بیچ کر مالی حالات بہتر کرے اور اپنی 12 سالہ بیٹی کو بہتر اسکول میں داخل کرائے۔ شوہر نے اس کی بات مان لی، اور آپریشن کے بعد گزشتہ ماہ 10 لاکھ روپے گھر لے آیا۔ اس کی بیوی نے اسے آرام کرنے کا کہا اور کچھ وقت بعد گھر سے نکل گئی، ساتھ میں 10 لاکھ روپے اور مزید نقد رقم بھی لے گئی۔

اس کے بعد، خاندان نے کولکتہ میں خاتون کو تلاش کیا جہاں وہ ایک شخص کے ساتھ رہ رہی تھی جس سے اس نے ایک سال قبل فیس بک پر ملاقات کی تھی۔ جب شوہر، ساس اور بیٹی مذکورہ خاتون کے گھر گئے تو اس نے ان سے بات کرنے سے انکار کر دیا۔

خاتون کے مبینہ عاشق نے انہیں بتایا کہ وہ طلاق کی درخواست دے گی، اور دعویٰ کرے گی کہ 16 سالہ شادی کے دوران سسرال والوں نے اسے جسمانی اور ذہنی طور پر تکلیف دی۔

عاشق نے اس بات کا انکار کیا کہ خاتون نے سسرال کے گھر سے کوئی پیسہ لیا، اس نے صرف اپنی ذاتی بچت لی تھی، پولیس کا کہنا ہے کہ وہ خاتون اور اس کے مبینہ عاشق سے پوچھ گچھ کریں گے اور مزید کارروائی کریں گے۔