نرس نے بچے کے زخموں کو ٹانکے لگانے کے بجائے ایلفی سے جوڑ دیا
نئی دہلی (ویب ڈیسک )آئے روز کچھ نہ کچھ ایسی خبریں ضرور ہوتی ہیں جو انسان کو دنگ کردیتی ہیں، اب معلوم ہوا ہے کہ بھارت کے ایک ہسپتال میں نرس نے 7 سالہ بچے کے زخموں کو ٹانکے لگانے کے بجائے اسے ایلفی سے جوڑ دیا۔
تفصیل کے مطابق ریاست کرناٹکا کے ضلع ہاویری میں واقع ایک سرکاری ہسپتال میں 7 سالہ بچے کو چہرے پر زخم ہونے کی وجہ سے لایا گیا تھا جہاں موجود جیوتی نامی نرس نے بچے کے چہرے کے زخم کو ٹانکے سے جوڑنے کے بجائے ایلفی سے جوڑ دیا۔
نرس نے اپنے اس عمل کا دفاع کرتے ہوئے کہا کہ بچے کے چہرے پر نشان نہ آئے اس لیے اس نے ایلفی کا استعمال کیا تاہم نرس کی لاپرواہی کی وجہ سے بچے کے والدین نے اس کے خلاف مقدمہ درج کرادیا ، تازہ اطلاعات کے مطابق نرس کو میڈیکل قوانین کی خلاف ورزی پر سزا دینے کے بجائے اسے دوسرے ہسپتال ٹرانسفر کردیا تاہم جب معاملہ حکومت کے علم میں آیا تو نرس کو نوکری سے برطرف کردیا گیا۔
About The Author
