کرک میں گرینڈ امن جرگہ، مسلح گروہوں کے انخلا کے لیے 3 دن کی مہلت ، اعلامیہ جاری کردیا گیا
کرک(ویب ڈیسک ) منعقدہ گرینڈ امن جرگہ نے علاقے سے مسلح گروہوں کے انخلا کے لیے تین دن کی مہلت دیدی اور اعلامیہ میں خبردار کیا گیا ہے کہ اگر مقررہ مدت کے بعد مسلح گروہ موجود رہے تو قوم لشکر کشی پر مجبور ہوگی۔
امن جرگہ نے ریاست سے مطالبہ کیا کہ پولیس کو درکار تمام وسائل فراہم کیے جائیں تاکہ وہ دہشت گردوں کے خلاف مثر کارروائی کر سکے۔ اس کے ساتھ ساتھ، سی ٹی ڈی کو مکمل اختیارات دینے، نیشنل ایکشن پلان پر 100 فیصد عمل درآمد یقینی بنانے اور دہشت گردوں کے خلاف بلا تفریق کارروائی کرنے کا مطالبہ کیا گیا۔
اعلامیے میں کہا گیا کہ ریاست دہشت گردوں کے خلاف سنجیدگی کا مظاہرہ کرے، عوام اس اقدام کی مکمل حمایت کریں گے۔ جرگہ نے فیصلہ کیا کہ دہشت گردوں کے سہولت کاروں کی نشاندہی کے بعد ان کا سوشل بائیکاٹ کیا جائے گا۔امن جرگہ میں ایم این اے شاہد خٹک، صوبائی وزیر زراعت میجر سجاد بارکوال سمیت ہزاروں افراد اور تمام سیاسی جماعتوں کے رہنماں نے شرکت کی۔
About The Author
