عمران خان نےآرمی چیف کو آج تیسرا کھلا خط بھجوانے کا فیصلہ کرلیا
اسلام آباد (ویب ڈیسک) اڈیالہ جیل میں بند بانی پاکستان تحریک انصاف (پی ٹی آئی) عمران خان نے آج تیسرا کھلا خط آرمی چیف کو بھجوائے جانے کا فیصلہ کیا ہے، اس سے قبل بھی وہ دو خط مبینہ طور پر لکھ چکے ہیں، خط کے مندرجات پارٹی رہنماؤں کو نوٹ کروا دیے۔
اڈیالہ جیل کے باہر میڈیا سے گفتگو کرتے ہوئے وکیل فیصل چوہدری نے کہا کہ بانی پی ٹی آئی کا خط ڈیپ اسٹرکچرل ریفارمز، حکومتی پالیسیوں سے جمہوریت کو پہنچنے والے نقصان سمیت 6 نکات پر مشتمل ہوگا، عمران خان نے تیسرے خط سے متعلق نکات نوٹ کرواکے ہدایات دیں۔
ممکنہ خط میں کہا گیا کہ منی لانڈرز کو اقتدار میں بٹھایا گیا ہے، دہشتگردی رول آف لاء نہ ہونے کی وجہ سے بڑھ رہی ہے، 18 لاکھ لوگ ملک چھوڑ گئے ہیں، 20 ارب ڈالر کا سرمایہ ملک سے باہر چلا گیا ہے۔فیصل چوہدری نے کہا کہ شیر افضل مروت کا معاملہ پارٹی کا انٹرنل معاملہ ہے، پارٹی اس پر اپنا موقف دے گی۔
About The Author
