بھارتی شہریوں کو لے کر تیسرا امریکی جہاز بھی آگیا، امرتسر اتارنے پر مودی سرکار سے پنجاب کے وزیراعلی ناراض

نئی دہلی (ویب ڈیسک)امریکا سے غیرقانونی تارکین بھارتیوں کو لیکر دوسری فوجی پرواز بھی مودی حکومت نے امرتسر میں اتاری تو وزیراعلی مشرقی پنجاب ناراض ہو گئے۔

تفصیل کے مطابق ا مریکہ سے ڈی پورٹ کیے گئے غیرقانونی تارکین کو لانے والا ایک اور جہاز انڈیا کے شہر امرتسر پہنچ گیا، اس سے قبل بھی 10 روز کے دوران ایسے دو جہاز انڈیا میں لینڈ کر چکے ہیں۔این ڈی ٹی وی کی رپورٹ کے مطابق اتوار اور پیر کی درمیانی شب پہنچے والے جہاز میں 112 انڈینز موجود تھے۔ امریکی ایئر فورس کے طیارے سی 17 گلوب ماسٹر نے رات گئے امرتسر کے بین الاقوامی ہوائی اڈے پر لینڈنگ کی۔اس پر سوار افراد میں 13 کا تعلق پنجاب سے ہے جبکہ 44 ہریانہ سے تعلق رکھتے ہیں۔اسی طرح گجرات کے 33، اتر پردیش کے دو اور ہماچل پردیش اور اترکھنڈ کا ایک ایک فرد سوار تھا، جن کو لینے کے لیے ان کے رشتہ دار بڑی تعداد میں وہاں پہنچے تھے۔

بھارتی میڈیا کے مطابق وزیر اعلی بھگوت مان نے پریس کانفرنس کرتے ہوئے کہا امرتسر ہم سکھوں کا مقدس شہر ہے جہاں گولڈن ٹیمپل اور کئی گردوارے واقع ہیں مگر مودی جنتا امریکہ سے نکالے گئے بھارتیوں کا ڈیپورٹ سینٹر بنا کر اسے عالمی سطح پر بدنام اور توہین کر رہی ہے. انہوں نے کہا کہ ایسا اس لیے کہ ریاستی الکیشن میں بی جے پی کی ناکامی پر پنجاب کے لوگوں کو سزا دی جاسکے۔

ان کاکہناتھاکہ بھارت میں کئی عسکری ہوائی اڈے ہیں، امریکہ کا فوجی طیارہ وہاں اتارا جائے، کیا اٹالین حکومت یہ اجازت دے گی کہ امریکی فوجی جہاز وٹیکن سٹی میں اتارا جائے؟،مودی جب ٹرمپ سے جھپیاںڈال رہے تھے تو بھارتیوں کو لیے دوسرا فوجی طیارہ محو پرواز تھا، اب مودی گولڈن ٹیمپل کی توہین کر کے کس منہ سے اگلے ریاستی الیکشن میں اہل مشرقی پنجاب سے ووٹ مانگنے آئیں گے؟۔