قمر جاوید باجوہ نے مارشل لا کی تیاری کرلی تھی لیکن آرمی چیف عاصم منیر نے جمہوریت چلنے دی، بڑا دعویٰ
اسلام آباد (ویب ڈیسک )سینیٹر فیصل واوڈا نے دعوی کیا ہے کہ قمر جاوید باجوہ نے مارشل لا کی پوری تیاری کرلی تھی، آرمی چیف عاصم منیر کے سامنے مارشل لا پلیٹ میں رکھا ہوا ملا لیکن انہوں نے جمہوریت کو چلنے دیا، اگر پی ٹی آئی سے بدلہ لینا ہوتا تو آرمی چیف کے لیے بہت ہی آسان تھا۔
ایک نجی ٹی وی کے پروگرا میں گفتگو کرتے ہوئے سابق وفاقی وزیر کا کہنا تھا کہ رجیم چینج جب ہورہی تھی تو اس وقت مارشل لا کی تیاری ہوگئی تھی، قمر باجوہ نے مارشل لا کی تیاری کرلی تھی۔انہوں نے کہا کہ آرمی چیف کو پی ٹی آئی نے روکنے کی بہت کوشش کی لیکن وہ اللہ کے حکم سے آرمی چیف بن گئے۔
انہوں نے کہا کہ آرمی چیف اچھے نفیس انسان اور حفظ قرآن ہیں۔فیصل واوڈا کا کہنا ہے کہ پیکا قانون حکومت نے بنایا ہے اور اس کی ذمہ داری لینی چاہیے، حکومت کو اپنا وزن اٹھانا پڑے گا ورنہ اس تاثر کے ساتھ آگے نہیں چل سکتے، حکومت نے اپنے پیروں پر کھڑا ہونا ہے توکھڑی ہو کسی اور پر الزام نہ لگائے۔
About The Author
