رحیم پردیسی نے فیروز خان کو شکست دینے کے بعد خوشحال خان کو چیلنج دیدیا
کراچی (ویب ڈیسک) معروف یوٹیوبر اور انٹرنیٹ پرسنیلٹی رحیم پردیسی نے اداکار فیروز خان کو شکست سے دوچار کرنے کے بعداب اداکار خوشحال خان کو باکسنگ رنگ میں اترنے کا چیلنج دے دیا۔
تفصیل کے مطابق 16 فروری کو لاہور میں منعقدہ باکسنگ میچ میں رحیم پردیسی اور فیروز خان رنگ میں اترے تھے جس دوران رحیم پردیسی نے 5 رائونڈز کے میچ میں فیروز خان کو ایک چار سے دھول چٹائی تھی جبکہ فیروز خان کے ناک سے لہو نکلتا دکھائی دیا۔
اس جیت کے بعد میڈیا سے گفتگو کرتے ہوئے یوٹیوبر نے اداکار خوشحال خان کو بھی باکسنگ میچ کا چیلنج دے دیا اور کہا کہ میں ہر چیلنج کے لیے تیار ہوں لیکن میں نے سنا ہے کہ ایک نیا بچہ آیا ہے۔
انہوں نے للکارتے ہوئے کہا کہ خوش حال خان بڑے بڑے ہیلمٹ پہن کر کھیلتا ہے، بھیا ! اصلی باکسر سے لڑو ، نئے کھلاڑیوں کے ساتھ کیوں لڑتے ہو؟ مجھ سے لڑو، پھر پتہ چلے گا کہ اصلی چیمپئن کون ہے۔
واضح رہے کہ اداکار خوش حال خان ادکاری کے ساتھ ساتھ باکسنگ کے بھی شوقین ہیں اور اس سے پہلے بھی باکسنگ رنگ میں اتر کر بھی اپنی صلاحتیں منوا چکے ہیں۔
About The Author
