نوجوان کورین اداکارہ کی پراسرار موت کی وجہ سامنے آگئی
سیئول(ویب ڈیسک)جنوبی کوریا کی 24 سالہ اداکارہ کم سائی رون کی اچانک موت نے ان کے مداحوں کو سخت تشویش میں مبتلا کردیا ہے لیکن اب اداکارہ کی موت کی وجہ سامنے آگئی۔
تفصیل کے مطابق اداکار کی لاش پراسرار طور پر ان کے کمرے سے ملی تھی جسے پوسٹ مارٹم کے لیے اسپتال منتقل کردیا گیا تھا جس کی اب رپورٹ آچکی ہے ۔
کورین پولیس کا کہنا ہے کہ اداکارہ کی موت پر ہر قسم کی کارروائی کی گئی اور تمام پہلوؤں کا جائزہ لینے، پوسٹ مارٹم رپورٹ اور شواہد کی روشنی میں پتا چلتا ہے کہ اداکارہ کی موت کوئی سازش نہیں ہے۔
پولیس کے مطابق پوسٹ مارٹم رپورٹ کی روشنی میں پتا چلتا ہے کہ اداکارہ کی موت خودکشی کے سبب ہوئی لیکن لاش کے پاس سے کوئی آخری نوٹ نہیں موصول ہوا۔
یہاں یہ بات بھی قابلِ ذکر ہے کہ اداکارہ ایک کیفے کھولنے کا منصوبہ بنا رہی تھیں جس کے باعث ان کی موت میں مافیا کے ملوث ہونے کا جائزہ بھی لیا گیا۔
یادرہے کہ کم سائی رون جنوبی کوریا کی انتہائی قابل تعریف اور مقبول اداکاروں میں سے ایک تھیں، کم کا کیرئیر اس وقت رک گیا جب ان پر 2022 میں ڈرائیونگ کے معاملے پر 20 ملین یوان جرمانہ عائد کیا گیا۔اس وقت انہوں نے اپنے انسٹاگرام اکاؤنٹ پر معافی نامہ جاری کیا تھا۔
پولیس نے اداکارہ کی موت کے کیس میں ان کی ساتھی اداکاراؤں سمیت قریبی دوست، جائیداد کے معاملات دیکھنے والے منیجرز سمیت اہم شخصیات سے پوچھ گچھ کی۔
About The Author
