چیمپئینز ٹرافی؛ فخر زمان بھارت کیخلاف میچ سے باہر؟ تین نئے نام سامنے آگئے

لاہور، کراچی (ویب ڈیسک) چیمپئینز ٹرافی کے دوران فخر زمان بھارت کیخلاف میچ سے ممکنہ طورپر باہر ہوگئے ہیں اور ان کی جگہ تین نئے نام سامنے آگئے۔

تفصیل کے مطابق کراچی میں کھیلے گئے اوپننگ میچ میں قومی ٹیم کے جارح مزاج اوپنر فخر زمان فیلڈنگ کے دوران باؤنڈری لائن زخمی ہوگئے تھے جس کے باعث انہیں میدان سے کچھ دیر کیلئے باہر ہونا پڑا تھا۔

بورڈ کی جانب سے جاری کردہ اعلامیے میں کہا گیا ہے کہ ابتدائی اطلاعات کے مطابق فخر زمان کو پٹھوں میں موچ آئی ہے تاہم رپورٹس کا انتظار کیا جارہا ہے، جس کے بعد اوپنر کی جگہ کسی دوسرے کرکٹر کو اسکواڈ کا حصہ بنایا جاسکتا ہے۔

بعدازاں پی سی بی نے تصدیق کی ہے کہ اوپنر فخر زمان انجری کے باعث بھارت کیخلاف میچ کیلئے ٹیم کے ہمراہ دبئی نہیں جائیں گے۔

اوپنر فخر زمان کی انجری کے باعث بھارت کیخلاف میچ میں تجربہ کار امام الحق پلئینگ الیون میں شامل ہونے کے مضبوط دعویدار ہیں۔

ادھر سلیکٹرز فخر زمان کی انجری کے بعد اوپنر عبداللہ شفیق اور نوجوان محمد ہریرہ کے ناموں پر بھی غور کررہے ہیں۔