مصطفی عامر قتل کیس، قبر کشائی کے بعد لاش سرد خانے منتقل کردی گئی
کراچی (ویب ڈیسک) عدالتی اجازت نامے پر قبرکشائی کے بعد مقتول مصطفیٰ عامر کی لاش کو سرد خانے منتقل کردیا گیا۔
نجی ٹی وی چینل کے مطابق پولیس سرجن ڈاکٹر سمعیہ سید نے بتایا کہ ڈی این اے کے لیے نمونے لے لیے گئے ہیں، سیمپل لینے کے لیے بہت مشکلات پیش آئیں، پانچ سے سات دنوں میں ڈی این اے رپورٹ آجائےگی ۔
ذرائع کے مطابق مواچھ گوٹھ میں واقع ایدھی قبرستان میں مقتول نوجوان مصطفی عامر کے قبر کشائی ہوئی، اس موقع پر میڈیکل ٹیم اور پولیس کی بھاری نفری بھی موجود تھی، پولیس سرجن ڈاکٹر سمعیہ سید اور سی پی ایل سی شناخت پروجیکٹ کے ہیڈ عامر حسن نے پہلے قبر کا جائزہ لیا۔ بعد ازاں میڈیکل ٹیم نے لاش سے نمونے حاصل کیے۔
واضح رہے کہ مقتول مصطفی عامر کی لاش دریجی پولیس کی جانب سے 12 فروری کو ایدھی کے سپرد کی گئی تھی اور 16 فروری کو مصطفی عامر کی لاش لاوارث قرار دے کرمواچھ گوٹھ ایدھی فاؤنڈیشن کے قبرستان میں تدفین کردی گئی تھی۔اب سردخانے لاش کی منتقلی کے بعد نمونے حاصل کیے جائیں گے تاکہ وجہ موت کا تعین ہو سکے۔ ناقابل شناخت لاش سے ڈی این اے کے نمونے بھی حاصل کیے جائیں گے تاکہ مقتول کی تصدیق بھی ہو سکے۔
About The Author
