چیمپئنز ٹرافی، بھارتی تاجر نے اپنے ملازمین میں پاک بھارت ٹاکرے کے ٹکٹس مفت تقسیم کردئیے

دبئی (ویب ڈیسک )چیمپئنز ٹرافی کےد وران پاکستان اور بھارت کے دلچسپ ٹاکرے سے لطف اندوز ہونے کیلئے دبئی میں مقیم ارب پتی بھارتی تاجر انیس ساجن نے اپنے ملازمین میں چیمپئنز ٹرافی کے سینکڑوں ٹکٹس مفت میں تقسیم کردئیے۔

میڈیا رپورٹس کے مطابق انیس تاجر کے خوش قسمت ملازمین دبئی انٹرنیشنل کرکٹ اسٹیڈیم میں ہونے والے بھارت کے تمام میچز فری میں دیکھ سکیں گے جس میں پاکستان کے خلاف ایونٹ کا سب سے اہم میچ بھی شامل ہے۔

ایونٹ کے 4 اہم میچز کے لیے ملازمین کو فری ٹکٹس (ہر میچ کیلئے60 ٹکٹیں ) تقسیم کی گئی ہیں، ایونٹ کے اہم میچز کیلئے ملازمین میں فری ٹکٹس بذریعہ قرعہ اندازی تقسیم کیے گئے ہیں۔واضح رہے کہ متحدہ عرب امارات میں 3.7 ملین سے زیادہ بھارتی اور تقریبا 1.7 ملین پاکستانی شہری مقیم ہیں۔