چیمپئنز ٹرافی، پاک بھارت میچ کے دوران موسم کیسا رہے گا؟ پیشگوئی
دبئی (ویب ڈیسک )دبئی کے انٹرنیشنل کرکٹ سٹیڈیم میں اتوار کو پاکستان اور بھارت کی روایتی حریف ٹیمیں مد مقابل ہوں گی اور اب پاک بھارت میچ کے دوران بارش کے امکانات ظاہر کر دیئے گئے ہیں ۔
نجی ٹی وی چینل کے مطابق دبئی میں 18 فروری کو ہونے والی بارش نے جمعرات کو بھارت اور بنگلا دیش کے میچ پر بھی خدشات بڑھا دیے تھے لیکن اس میچ پر بارش کا اثر نہیں ہوا۔
البتہ محکمہ موسمیات کے مطابق پاکستان اور بھارت کے درمیان دبئی میں ہونے والے میچ پر بارش کے خطرات برقرار ہیں۔متحدہ عرب امارات کے محکمہ موسمیات کے مطابق اتوار کی رات اور پیر کی صبح جزوی طور پر ابر آلود موسم اور ہلکی بارش کا امکان ہے۔
ماہرین موسمیات کا خیال ہے کہ اگر دبئی میں بارش ہوئی تو بہت کم وقت کیلئے بادل برسے گا جس سے میچ متاثر ہونے کا امکان کم ہے۔
About The Author
