بابراعظم نے بھارت کیخلاف میچ کے دوران تیز ترین ایک ہزار رنز کا ریکارڈ بنالیا
اسلام آباد(ویب ڈیسک)چیمپئنز ٹرافی میں بھارت کے خلاف میچ میں بابر اعظم نے سعید انور کا ایک ہزار تیز ترین رنز کا تاریخی ریکارڈ اپنے نام کرلیا۔
بابر اعظم نے اتوار کو ہونے والے میچ میں ہرشت رانا کی گیند کو باؤنڈری پار کروا کے ریکارڈ اپنے نام کیا۔انہوں نے ون ڈے ٹورنامنٹ میں 1 ہزار تیز ترین رنز بنانے کا اعزاز 24ویں اننگز میں مکمل کیا۔
واضح رہے کہ بابر اعظم نے بھارت کے خلاف صرف 23 رنز کی اننگز کھیلی اُس کے باوجود وہ سعید انوار کا تاریخی ریکارڈ اپنے نام کرنے میں کامیاب ہوئے۔سعید انور نے تیز ترین 1 ہزار رنز 25 اننگز میں بنائے جبکہ جاوید میاں داد تیسرے نمبر پر ہیں جنہوں نے 30 اننگز میں ون ڈے فارمیٹ میں 1 ہزار تیز ترین رنز بنائے ہیں۔
About The Author
