ڈونلڈ ٹرمپ کا افغانستان میں چھوڑا گیا امریکی اسلحہ واپس لینے کا اعلان

واشنگٹن(ویب ڈیسک) امریکی صدرڈونلڈ ٹرمپ نے افغانستان سے امریکی انخلاء کے وقت چھوڑا گیا اسلحہ واپس لینے کا اعلان کردیا اور سابق صدر جوبائیڈن کو اربوں ڈالر کا فوجی سازوسامان چھوڑنےکا بھی ذمہ دار قرار دیدیا۔

ٹرمپ کا کہناتھا کہ امریکہ افغانستان کو اربوں ڈالر دے رہا ہے اور یہ امر میرے لئے باعث فکر ہے، افغانستان سے امریکی انخلاء کے دوران اربوں ڈالر کا اسلحہ و فوجی سازوسامان وہیں چھوڑ دیا گیا ہم افغانستان میں چھوڑا گیا امریکی اسلحہ واپس لیں گے۔

انہوں نے کہا کہ ہم دیکھتے ہیں کہ افغان طالبان اربوں ڈالر کے چھوڑے گئےامریکی اسلحے کی نمائش کرتے رہتے ہیں، ہمیں چھوڑے گئے سامان کو واپس لینا چاہیے، امریکہ کو بگرام ایئر بیس پر اپنا کنٹرول برقرار رکھنا چاہیے تھا۔