منا بھائی ایم بی بی ایس کی ہیروئن گریسی سنگھ سالوں بعد سامنے آگئی
ممبئی (ویب ڈیسک) عامر خان کی معروف فلم لگان اور سنجے دت کی منا بھائی ایم بی بی ایس میں مرکزی کردار نبھانے والی بالی ووڈ کی 44 سالہ اداکارہ گریسی سنگھ سالوں بعد میڈیا کے سامنے آگئیں۔
تفصیل کے مطابق گریسی سنگھ نے لگان کے ہدایت کار اشوتوش گواریکر کے بیٹے کی شادی میں شرکت کی جہاں عامر خان سمیت فلم کے دیگر اداکار بھی شریک ہوئے۔رپورٹس کے مطابق اداکارہ سنیاس لے چکی ہیں جس کے باعث شادی بھی نہیں کی تاہم اس کی تصدیق نہیں ہوسکی ہے۔
یادرہے کہ اداکارہ لگان اور منابھائی ایم بی بی ایس جیسی کامیاب فلموں کے بعد پھر کسی بڑی فلم میں نہیں نظر آئیں لیکن 2021 میں ایک ٹی وی ڈرامے میں کام کیا تھا۔اب سالوں بعد گریسی سنگھ میڈیا کے سامنے آگئیں۔
About The Author
