سیف علی خان اور کرینہ کپور کی جلد طلاق کی پیشگوئی

ممبئی (ویب ڈیسک) ایک بھارتی نجومی نے بالی ووڈ کے چھوٹے نواب سیف علی خان اور اداکارہ کرینہ کپور کے درمیان طلاق کی پیشگوئی کردی، ان کی 2012 میں شادی ہوئی تھی اور اب ان کے دو بیٹے تیمور اور جئے ہیں۔

بھارتی میڈیا کے مطابق سشیل کمار سنگھ نامی بھارتی نجومی نے جوڑے کی علیحدگی کے حوالے سے حیران کن پیش گوئی کی ہے جس نے سیف اور کرینہ کے مداحوں کو تشویش میں مبتلا کردیا ہے۔ سشیل کمار سنگھ نے اپنے انٹرویو میں سیف اور کرینہ کے تعلقات سے متعلق بات کرتے ہوئے کہا کہ ’سیف اور کرینہ اگلے ڈیڑھ سال میں الگ ہو جائیں گے‘۔

بھارتی نجومی نے اس جوڑے کی علیحدگی پر 2010 میں کی گئی اپنی پیش گوئی کو یاد کرتے ہوئے کہا کہ ’میں نے 2010 میں اپنے بلاگ میں لکھا تھا کہ یہ شادی نہیں چلے گی کیوں کہ یہ سیف علی خان اور کرینہ کپور کی کنڈلی میں ہے‘۔

یاد رہے کہ حال ہی میں سیف علی خان پر ان کی ممبئی کی رہائش گاہ میں گھس کر حملہ کیا تھا جس دوران سیف کو شدید چوٹیں آئی تھیں۔اس حملے سے متعلق سشیل کمار سنگھ نے کہا کہ’ یہ اندرونی معاملہ ہو سکتا ہے، شاید یہ معاملہ حل نہ ہو جب کہ ڈیڑھ سال میں سیف اور کرینہ کے درمیان طلاق ممکن ہے، جتنا بھی دبایا جائے کنڈلی صاف بتارہی ہے کہ دونوں کے درمیان جلد علیحدگی ہوگی‘۔

بھارتی نجومی کی جانب سے کی گئی پیش گوئی کے بعد سوشل میڈیا پر ہنگامہ برپا ہے تاہم پٹودی خاندان یا شوبز جوڑی کا موقف معلوم نہیں ہوسکا۔