یو یو ہنی سنگھ کیخلاف اداکارہ نیتو چندرا نے عدالت کا دروازہ کھٹکھٹا دیا
ممبئی (ویب ڈیسک) یویوہنی سنگھ کے گانے میں خواتین کو نازیبا انداز میں پیش کرنے کے خلاف اداکارہ نیتو چندرا نے درخواست دائر کردی۔
بھارتی میڈیا کے مطابق معاملہ 28 مارچ کو پٹنہ ہائی کورٹ میں سماعت کےلئے مقرر ہے، عدالت نے معاملے پر وضاحت طلب کرلی ہے۔درخواست گزار نے عدالت سے اپیل کی ہے کہ فحش اور خواتین کی تذلیل پر مبنی گانوں کے خلاف سخت قوانین بنائے جائیں اور گانے کے تخلیق کاروں، بشمول ہنی سنگھ، گیت گنار لیو گریوال اور بھوجپوری گلوکاروں راگنی وِشواکرمہ اور ارجن اجنبی، کے خلاف کارروائی کی جائے۔
درخواست میں دعوی کیا گیا ہے کہ یو یو ہنی سنگھ کے گانے "مینیک” میں خواتین کو نازیبا انداز میں پیش کیا گیا ہے،
اس گانے میں دوہرا مطلب رکھنے والے الفاظ استعمال کیے گئے ہیں جو خواتین اور بچوں پر منفی اثرات مرتب کر سکتے ہیں۔
About The Author
