شاہد خان آفریدی نے سفارش اور پیسے لے کر کھلاڑیوں کو کھلائے جانے کا دعویٰ کردیا
کراچی (ویب ڈیسک) چیمپئنز ٹرافی میں بھارت سے شکست کے بعد پوری قوم کی طرح سابق کرکٹر ز بھی برہم دکھائی دیتے ہیں اور اب سابق کپتان شاہد خان آفریدی نے سفارش اور پیسے لے کر کھلاڑیوں کو کھلائے جانے کا دعویٰ کردیا۔
خبررساں ایجنسی کے مطابق شاہد آفریدی نے کہا کہ پیسے لیکر اور سفارش کی بنیادوں پر کھلاڑیوں کو ٹیم کا حصہ بنایا جاتا ہے، تو ٹیم آگے کیسے جائے گی، مجھے بورڈ سے کوئی کنٹریکٹ نہیں چاہیے، ہمیشہ یہی کہا ہے کہ جب بھی آپکو میری ضرورت ہوگی میں حاضر ہوں، گراس روٹ لیول پر کام کرنے کیلئے تیار ہوں۔
انہوں نے کہا کہ محمد یوسف کی خدمات کی ضرورت پاکستانی ٹیم کیساتھ نہیں بلکہ نیشنل کرکٹ اکیڈمی میں ہے، جو بلے بازوں کیساتھ انکی تکینک کام کرسکیں اور سکھا سکیں، مجھے نہیں سمجھ آتا ہمارے اسٹارز کو پاکستانی ٹیم کیساتھ ہی کیوں کوچنگ یا عہدوں کی ضرورت ہے، جب آپ بچے کو نیچے سے ہی انصاف فراہم نہیں کررہے تو کون سے رزلٹ کی توقع کررہے ہیں۔
About The Author
