بپاشا باسو سے بریک اپ ، ڈینو موریا نے کہانی سنادی
ممبئی (ویب ڈیسک) ایک عرصہ بعد بالی ووڈ اداکار ڈینو موریا نے انکشاف کیا ہے کہ انکا اداکارہ بپاشا باسو کے ساتھ بریک اپ کا فیصلہ کافی مشکل تھا۔
ایک انٹرویو کے دوران بنگلورو سے تعلق رکھنے والے اور ہندی کے علاوہ تامل، کناڈا، ملیالم اور تیلگو فلموں میں اپنے فن کا جوہر دکھانے والے 50 سالہ دینو موریا نے کہا کہ راستے جدا کرنے کا فیصلہ انھوں نے کیا تھا کیونکہ ہمارے درمیان کچھ مسائل تھے۔انھوں نے مزید کہا کہ بپاشا کیلیے اس صورتحال سے نبرد آزما ہونا کافی مشکل ہو رہا تھا، اور یہ کوئی آسان نہ تھا کہ بریک اپ کے فوری بعد ہم اکٹھے فلم راز میں شوٹ میں حصہ لیتے۔
ہماری شوٹ پر روزانہ ملاقات ہوتی، وہ کافی اپ سیٹ تھیں۔ مجھے بھی کافی عجیب سا لگ رہا تھا کہ جس سے اتنی قربت رہی اور اس کا خیال رکھا اب اس سے انداز میں سامنا ہو رہا ہے۔
About The Author
