گیس کے نئے ذخائر دریافت ، خوشخبری آگئی
اٹک(ویب ڈیسک)آئل اینڈ گیس ڈیولپمنٹ کمپنی لمیٹڈ (او جی ڈی سی ایل)نے اٹک میں گیس کے نئے ذخائر دریافت کرلیے ، مذکورہ کنویں کی کھدائی21 مئی 2024 کوشروع ہوئی تھی اور 4 ہزار 942 میٹر کی گہرائی پر گیس دریافت ہوئی۔
ترجمان کے مطابق او جی ڈی سی ایل پنجاب کے ضلع اٹک کے سوغری بلاک میں سوغری نارتھ-ون کنویں سے گیس اور کنڈینسیٹ کی دریافت کا اعلان کیا ہے۔ او جی ڈی سی ایل اس بلاک کی واحد لائسنس ہولڈر ہے اور 100 فیصد ورکنگ انٹرسٹ رکھتی ہے۔
ابتدائی ٹیسٹنگ کے بعد کنویں سے 13.95 ملین مکعب فٹ یومیہ (ایم ایم ایس سی ایف ڈی) گیس اور 430 بیرل یومیہ کنڈینسیٹ حاصل ہوا۔ترجمان کے مطابق یہ دریافت پاکستان کے توانائی کے مقامی وسائل میں اضافے اور درآمدات پر انحصار کم کرنے میں مددگار ثابت ہوگی۔
About The Author
