بنگلادیشی عوام کی اکثریت پاکستان کیساتھ، بھارت سے ناراض: گیلپ سروے

بنگلادیش کی عوام کی اکثریت نے پاکستان کے ساتھ ہونے جبکہ بھارت سے ناراضی کا اظہار کیا ہے۔

گیلپ پاکستان کے سروے میں انکشاف کیا گیا کہ 46 فیصد بنگلادیشی عوام نے مثبت آراء کا اظہار کرتے ہوئے پاکستان کو بھارت کے مقابلے میں بہترین دوست قرار دیا ہے۔

اس کے برعکس بھارت کو دوست کہنے والوں کی شرح 11 فیصد نظر آئی  جبکہ 47 فیصد بنگلادیشی عوام نے بھارت کو اپنا دشمن قرار دیا۔

حالیہ پاک بھارت تنازع میں بھی بنگلادیشی عوام نے پاکستان کی بھرپور حمایت ہے۔ 54 فیصد نے بھارت کے اوپر پاکستان کو ترجیح دی جبکہ صرف 9 فیصد نے بھارت کا ساتھ دیا۔

پاک بھارت تنازع میں بھی 46 فیصد بنگلادیشی عوام نے پاکستان کو فاتح قرار دیا، صرف 6 فیصد نے بھارت کی پاکستان پر برتری ہونے کی رائے دی۔

پاکستان بنگلادیش کے دیگر دوست ممالک کی فہرست میں بھی ٹاپ پر شامل ہے۔