بھارتی طیارے کی پاکستان میں ہنگامی لینڈنگ، تازہ خبر
کراچی (ویب ڈیسک) پاکستان کے جناح انٹرنیشنل ائیرپورٹ پر بھارت کے مسافر بردار طیارے نے ایمرجنسی لینڈنگ کی ہے ۔
ایوی ایشن ذرائع کا کہنا ہے کہ دہلی سے جدہ جانے والی بھارتی ائیرلائن کی پرواز کو کراچی میں میڈیکل ایمرجنسی کی وجہ سے لینڈنگ کی اجازت دی گئی، مذکور ہ پرواز دہلی سے جدہ جا رہی تھی کہ پاکستان کی فضائی حدود میں ایک مرد مسافر کی طبیعت خراب ہو گئی، جہاز کے عملے نے مسافر کو آکسیجن فراہم کی تاہم حالت خراب ہونے پر پائلٹ نے کراچی ائیر ٹریفک کنٹرول سے رابطہ کیا۔
بھارتی پائلٹ نے کراچی ائیر ٹریفک کنٹرول سے انسانی ہمدردی کی بنیاد پر کراچی میں میڈیکل ایمرجنسی لینڈنگ کی اجازت طلب کی۔ حکام کے مطابق طیارے کی لینڈنگ کے بعد پاکستان سول ایوی ایشن اتھارٹی کی میڈیکل ٹیم نے جہاز میں جا کر مسافر کو طبی امداد فراہم کی۔
About The Author
