پاکستانی اداکارہ سائرہ یوسف کی سپرسٹور میں چوری؟ پراسرار ویڈیو وائرل

کراچی (ویب ڈیسک) پاکستان کی معروف ماڈل واداکارہ اور شہروز سبزواری کی سابقہ اہلیہ سائرہ یوسف کی ایک سپر اسٹورسے مبینہ چوری کی پراسرار ویڈیو سامنے آگئی جس کے بارے میں کئی صارفین کا خیال ہے کہ یہ مارکیٹنگ سٹریٹجی ہے اور ایک اشتہار کی شوٹنگ ہے لیکن اس کی تصدیق ابھی نہیں ہوسکی۔

تفصیل کے مطابق ویڈیو میں سائرہ کو ایک سٹور میںداخل ہوتے دیکھا جاسکتا ہے، وہ ایک شیلف پر پہنچتی ہیں اور اردگرد دیکھنے کے بعد اپنا سر چھپاتی ہیں اور مخصوص پراڈکٹ کے کچھ پیکٹ اٹھا کر اپنے بیگ میںڈال کر وہاں سے نکل جاتی ہیں۔

یہ ویڈیو سامنے آنے کے بعد کئی سوشل میڈیا صارفین اسے کسی اشتہاری مہم کا حصہ قرار دے رہے ہیں تاہم ابھی چونکہ تصدیق نہیں ہوسکی،ا س لیے قیاس آرائیوں کا سلسلہ جاری ہے۔