وی پی این سروس پرووائیڈرز کی رجسٹریشن پھر شروع

اسلام آباد(ویب ڈیسک)پاکستان ٹیلی کمیونیکیشن اتھارٹی(پی ٹی اے)نے وی پی این سروس پرووائیڈرز کی رجسٹریشن دوبارہ شروع کردی جس کے بعد کمپنیوں کو لائسنس برائے ڈیٹا سروسز جاری کیا جائے گا جس کے تحت پی ٹی اے کو صارفین کے ڈیٹا، براؤزنگ ہسٹری تک رسائی کا اختیار ہوگا۔

پی ٹی اے ذرائع کا کہنا ہے کہ کلاس لائسنس کے ذریعے وی پی این سروس پرووائیڈرز رجسٹرڈ ہوں گے،جس کی فیس ایک سے تین لاکھ روپے تک ہوگی، اس کے ذریعے مانیٹرنگ اور ریگولیشن کی جاسکے گی۔

ذرائع کا کہنا ہے کہ سروس پرووائیڈرز کی رجسٹریشن کا فیصلہ اسٹیک ہولڈرز کی مشاورت سے کیا گیا، پاکستان سافٹ ویئر ہاؤسز ایسو سی ایشن نے رجسٹریشن کی درخواست کی تھی۔