ڈیٹنگ کی افواہوں پر ترپتی دمڑی کاردعمل بھی آگیا

ممبئی (ویب ڈیسک)فلم اینیمل سے شہرت پانے والی بالی ووڈ اداکارہ ترپتی ڈمری نے بالآخر سیم مرچنٹ کے ساتھ اپنے تعلقات سے متعلق جاری قیاس آرائیوں پرخاموشی توڑدی اور مزید مبہم باتیں کر کے ان افواہوں کو مداحوں کے رحم و کرم پر چھوڑ دیا ہے۔

اپنے ایک حالیہ انٹرویو میں ترپتی دمڑی نے بتایا ہے کہ کبھی کبھار یہ افواہیں مجھے بے حد متاثر کرتی ہیں،ان افواہوں کی وجہ سے میں واقعی بہت پریشان ہو جاتی ہوں کیونکہ مجھے اپنی آزادی پسند ہے،مجھے وہ دن یاد آتے ہیں جب میں کسی بھی چیز کی فکر کیے بغیر یا ماسک پہنے بغیر سڑکوں پر چل سکتی تھی۔

ترپتی دمڑی نے کہا ہے کہ سیم مرچنٹ کے ساتھ ڈیٹنگ کی مسلسل افواہوں کے باوجود میں اپنے کیریئر پر توجہ مرکوز رکھتی ہوں اور اپنے کام کے ساتھ وفادار رہتی ہوں۔حالیہ انٹرویو میں ترپتی دمڑی نے سیم کے ساتھ ڈیٹنگ کی افواہوں کی واضح طور پر تصدیق یا تردید نہیں کی ۔

یاد رہے کہ اداکارہ ترپتی اور سیم مرچنٹ کے درمیان جاری رومانس سے متعلق افواہوں نے اس وقت زور پکڑا تھا جب اس جوڑی کو نئے سال کا جشن منانے کے لیے فن لینڈ میں چھٹیوں کے موقع پر ایک ساتھ دیکھا گیا۔دونوں نے انسٹاگرام پر اپنے سیر سپاٹوں کی جھلکیاں بھی شیئر کی تھیں، اس جوڑی کے چاہنے والوں میں ان پوسٹس نے جوش و خروش پیدا کر دیا تھا۔