منشیات سمگلنگ کی کوشش، کراچی ایئرپورٹ سے یوگنڈا کی شہری خاتون گرفتار کرلی گئی
کراچی (ویب ڈیسک) کراچی ایئر پورٹ پر منشیات سمگلنگ کی کوشش ناکام بناتے ہوئے اینٹی نارکوٹکس فورس(اے این ایف) نے یوگنڈا کی خاتون کی خاتون کو گرفتار کرلیا۔
اے ایس ایف ذرائع کے مطابق یوگنڈا سے تعلق رکھنے والی خاتون مسافر براستہ دبئی اینٹا بے سے کراچی پہنچنی تھی، جہاں سے خاتون کو حراست میں لیا گیا۔دوران تفتیش گرفتار خاتون نے اپنے اندر منشیات بھرے کیپسولز کی موجودگی کا اعتراف کیا۔ملزمہ کو ہسپتال منتقل کر کے 144 گرام وزنی 11 کوکین بھرے کیپسول برآمد کر لیے گئے۔
مزید تحقیقات پر خاتون نے لاہور میں موجود منشیات وصول کرنے والے اپنے نائیجیرین ساتھی کے بارے میں انکشاف کیا۔اے این ایف نے نائیجیرین باشندے کی گرفتاری کے لیے لاہور میں انٹیلی جنس ٹیم کو تعینات کیا، موثر منصوبہ بندی اور قابل عمل انٹیلی جنس کی بنیاد پر لاہور میں فردوس مارکیٹ میں واقع ہوٹل سے ملزم کو بھی گرفتار کر لیا گیا۔
About The Author
