پاک فضائیہ کے طیارے سعودی عرب پہنچ گئے
راولپنڈی (ویب ڈیسک) کثیرالجہتی مشق سپیئرز آف وکٹری میں شرکت کیلئے پاک فضائیہ کا دستہ سعودی عرب پہنچ گیا، دستےمیں جے ایف 17تھندر بلاک تھری عملے سمیت شامل ہے ۔
پاک فوج کے شعبہ تعلقات عامہ( آئی ایس پی آر )کے مطابق پاک فضائیہ کے طیارے کنگ عبدالعزیزایئربیس پر اترے، طیارے پاکستان سے براہ راست سعودی عرب اترے،طیارے فضا میں ری فیولنگ اور دیگر آلات لے کر سعودی عرب پہنچے۔
آئی ایس پی آر کا کہنا ہے کہ کثیرالجہتی مشق میں سعودی عرب، بحرین، فرانس، یونان کے طیارے بھی شریک ہیں،قطر، یو اے ای، برطانیہ اور امریکی طیارے بھی حصہ لےرہےہیں،آئی ایس پی آر کا کہنا ہے کہ رائل سعودی ایئرفورس پانچویں مشق کرارہی ہے،مشق کا مقصد جدید ٹیکنالوجی ، ایک دوسرے کے تجربات سے فائدہ اٹھانا ہے،مشق میں علاقائی و عالمی تعاون کے عزم کا اعادہ بھی ہوتا ہے۔
About The Author
