ترک صدر نے ٹرمپ کا ساتھ دینے کا اعلان کردیا

واشنگٹن (ویب ڈیسک )ترک صدر رجب طیب اردوان نےروس یوکرین جنگ کے خاتمے کے لیے نئے امریکی ہم منصب کا ساتھ دینے کا اعلان کردیا، یہ اعلان انہوں نے امریکی صدر کی تقریب حلف برداری میں شرکت کے بعد ایک بیان میں کیا۔

تفصیل کے مطابق اپنے بیان میں ترک صدر نے کہا ہے کہ امید ہے ٹرمپ کی دوسری مدت صدارت تمام انسانیت کیلئے اچھائی لائے گی، ٹرمپ نے روس یوکرین جنگ ختم کرانے کا کہا تھا ہم بھرپور ساتھ دیں گے۔

اس سے قبل برطانیہ کے وزیراعظم سر کیئر سٹارمر نے امریکی صدرکو مبارکباد کے پیغام میں کہنا تھا کہ امریکا اور برطانیہ کی صدیوں سے مفاہمت اور تعاون کی شراکت داری ہے۔ برطانوی وزیراعظم نے کہا کہ دونوں ملکوں نے مل کر دنیا کو ظلم سے بچایا اور باہمی سلامتی اور خوشحالی کیلیے کام کیا۔ بکنگھم پیلس کے مطابق برطانیہ کے بادشاہ شاہ چارلس نے بھی امریکی صدر ٹرمپ کو مبارکباد کا پیغام بھیجا۔