چیمپئنزٹرافی ،بھارتی کرکٹ ٹیم کی جرسی پر نیاتنازعہ، پی سی بی نے اعتراض اٹھادیا

لاہور(ویب ڈیسک)بھارتی کرکٹ بورڈ (بی سی سی آئی) نےپاکستان میں شیڈول چیمپئینز ٹرافی سے قبل شرٹ پر پاکستان کا نام چھاپنے پر اعتراض اٹھا کرنیا تنازع کھڑا کردیا جس پر شائقین کرکٹ بھڑک اٹھے کیونکہ ٹیم کے علاوہ کپتان بھیجنے سے بھی بھارت راہ فرار اختیار کرنے کی کوشش کررہا ہے ۔

تفصیل کے مطابق بھارتی ٹیم ہائبرڈ ماڈل لاگو ہونے کے بعد اپنے میچز دبئی میں کھیلے گی تاہم پاکستان ایونٹ میزبان ہے اور آئی سی سی قوانین کے تحت جو ملک میزبانی کررہا ہوتا ہے ایونٹ کی جرسی پر اس ملک کا نام درج ہوتا ہے لیکن بھارت اب یہاں بھی سیاست کرنے کی کوشش کررہا ہے۔

پاکستان کرکٹ بورڈ(پی سی بی) کے ایک عہدیدار کا کہنا ہے کہ ٹیم انڈیا کی جرسیوں پر پاکستان کا نام چھاپنے سے انکار کرکے ‘کرکٹ میں سیاست’ لانے کی کوشش کررہی ہے جبکہ کیپٹنز میٹ اور افتتاحی تقریب کے دوران اپنے کپتان روہت شرما کو بھی پاکستان بھیجنے سے انکار کیا جارہا ہے تاکہ میزبان کا نام خراب کیا جاسکے۔