ثانیہ مرزا کے اماراتی بزنس ٹائیکون سے تعلق کی خبریں گردش کرنے لگیں

دبئی (ویب ڈیسک )پاکستانی کرکٹر شعیب ملک کی سابق اہلیہ اور بھارت کی سابقہ ٹینس اسٹار ثانیہ مرزا اور متحدہ عرب امارات بزنس ٹائیکون عدیل سجن کے تعلقات کی خبریں گردش کرنے لگی ہیں تاہم آزادانہ ذرائع سے تصدق ہوسکی اور نہ ہی فریقین کا کوئی موقف سامنے آیا۔

بھارتی میڈیا کے مطابق اپنے بیٹے اذہان مرزا ملک کے ہمراہ دبئی میں مقیم ثانیہ مرزا ایک بار پھر توجہ کا مرکز بن گئی ہیں اور ان کا نام مشہور ارب پتی تاجر عدیل سجن کے ساتھ منسلک کیا جارہا ہے، عدیل سجن ان دنوں ثانیہ مرزا کے وِلا کو ڈیزائن کر رہے ہیں تاہم ان کے درمیان پیشہ ورانہ تعلقات اور دوستی سے بڑھ کر کچھ تعلقات ہیں۔

یاد رہے کہ اس سے قبل شعیب ملک سے علیحدگی کے اعلان کے بعد ثانیہ مرزا کا نام بھارتی کرکٹر محمد شامی کے ساتھ جوڑا گیا تھا تاہم بعد ازاں یہ خبریں جھوٹی نکلی تھیں۔